Колоректалниот карцином (КРК) е еден од најчестите малигни заболувања (12% од сите малигноми) кој се јавува со инциденца од 15 -30 нови случаи на 100.000 жители годишно. Ризикот од појава на заболувањето во текот на животот зависи од повеќе фактори како возраста, начинот на исхраната/физичка активност, личната и фамилијарната предиспозиција и се движи од 5% кај пациентите со просечен ризик до повеќе од 95% кај пациентите со одредени наследни синдроми.
Имајќи го предвид фактот дека кај повеќе од 90% од пациентите КРК се развива врз основа на претходно постојни бенигни аденоматозни полипи со чие отстранување се превенира развојот на карциномот, како и фактот дека детекцијата на болеста во раната фаза доведува до 5 годишно преживување кај повеќе од 90% од пациентите, разбирливо е колкаво е значењето да се има квалитетна и софистицирана опрема за преглед на дебелото црево. Тука првенствено се мисли на колоноскопијата како најадекватен избор на преглед за откривање на полипи на дебелото црево.
Напредокот на технологијата овозможува и напредок во рано дијагностицирање на КРК. Pentax-Discovery е високо-иновативна развиена технологија која се користи во дијагностиката на полипи, и со патентираниот Artificial Intelligence, PENTAX Medical претстави нова ера во дијагностицирање на полипи кои се најчеста причина за КРК.
